無上xanga幾個星期 等我諗下呢幾日搞過咩先 上星期六又去左BBQ 隔左兩個星期又搞一次 今次諗住轉轉地方 走去青山灣果邊燒 本來人齊就OK 點知去到三聖先發現 果頭無BBQ 365之類既肉食鋪 要買料就要去超級市場 貴到HIHI 果日星期六 我地5點幾先到 根本霸唔到爐 結果大家都係返左蝴蝶灣算 去到唔洗講又係無位 我地無所謂啦 決定返去美樂果邊等 我地到8點幾左右去買定野 點知買完野先黎落雨 無理由買晒野先至話唔燒架 於是我地等到場雨細少少後再去入返去 開頭我地諗住細細雨都應該燒到 但場雨時大時細 又唔肯停 於是我地出去買左堆尼龍繩返黎 再加埋大小姐既浴廉整左塊大布遮住我地先至開到爐 個個都餓左成晚 一見燒得就係咁食 唔洗1個鐘D野就已經清晒場 之後見停左雨落左沙灘玩 玩過咩唔太記得 我剩係記得阿軒好早就訓著左 我自己去6點左右都頂唔順訓左半個鐘 差唔多第二日8點先返到去 雖然今次好多蝦碌野發生 但其實我覺得今次仲過癮D 之後我記得星期2都好似出過街 唔太記得做過咩 琴晚都出左街 5點幾一條友出左去 差唔多夜晚7點先有自己友現身... 之後過左千色搵達叔JJ 佢地竟然o係度打digimon world <---個個細路仔都幾乎有玩過既game 同埋games最近出現左d野 搞到我地個個都話要去 但結果都係去左一次咁大把... 之後我地去正記食小菜 明知自己唔飲得又要學人飲 好在無醉到... 跟住都係同佢地打下機算 詳細唔記得咁多...夜少少又去左夾公仔 今次我竟然1蚊就夾到米奇 之後夾極都夾唔到隻米妮...整定夾唔到 跟住去左達叔屋企研究digimon world既事 6點先走...又試通頂... | 
